HOME | Daily News Bulletin | Consular service | بخش قونسلی | Contact Us          
   



follow us on

 

وکالتنامه او حصر وراثت

د غوښتنی طریقه
حضوری مصاحبه او د وکالتنامی او حصر وراثت لپاره لازم اسناد او
ضروریات
د وکالتنامی او حصر وراثت محصول او پوستی مصارف
که چیری پوښتنه لری او یا نور معلومات غواړی؟


د غوښتنی طریقه

د کانادا په هیواد کښی استوګن هیوادوال کولای شی د وکالتنامی او یا حصر وراثت د جوړولو لپاره په اوتاوا کښی د افغانستان لوی سفارت ته غوښتنه وړاندی کړی. د دی سفارت تر څنګ، کولای شی د وکالتنامی او حصر وراثت په اړه خپلی غوښتنی د تورانتو په ښار کښی د افغانستان جنرال قونسلی ته هم وسپاری ـ

که غواړی د تورانتو په ښار کښی د افغانستان د جنرال قونسلی له طریقه غوښتنه وکړی، دا لیکه کلیک کړی. ـ

د وکالتنامی او یا حصر وراثت غوښتنه د سفارت قونسلی څانګی ته د شخصی مراجعی له طریقه او یا د پوستی له لاری سرته رسیږی. د سفارت پته په لاندی ډول ده: ـ

Embassy of Afghanistan in Ottawa
(Consular Section)

240 Argyle Avenue
Ottawa, ON K2P 1B9

که غواړی د سفارت موقعیت به نقشه کښی وګوری، دا لیکه کلیک کړی

د سفارت قنسولی څانګه د لاندینیو اوقاتو په جریان کی پرانستی ده: ـ

د دوشنبی تر جمعی ورځی پوری د 10 تر 1 بجی پوری او د 2 بجو څخه تر 4 بجو پوری

د پورتنیو اوقاتو څخه هاخوا لطفا له راتګ څخه ډډه وکړی ځکه چی د نوموړو وختونو څخه پرته او هم د شنبی او یکشنبی په ورځو د سفارت قنسولی څانګه د مراجعینو پرمخ تړلی ده. ـ

[return to top]


حضوری مصاحبه او د وکالتنامی او حصر وراثت لپاره لازم اسناد او ضروریات

له یاده مه باسی چی سفارت ته له راتلو څخه مخکښی زمونږ قونسلی څانګی سره د تیلفون له لاری اړیکه ونیسی تر څو د راتګ او حضوری مصاحبی لپاره درته ځانګړی وخت وټاکل شی. هغه کسان چی د مصاحبی د وخت له اخستلو څخه پرته سفارت ته راځی، یوازی په هغه صورت کښی لیدل کیږی چی د قونسلی څانګی کارکوونکی اضافی وخت ولری. ـ

سفارت ته د راتلو په وخت، د خپلو ټولو لازمو اسنادو او ضروریاتو راوړل مه هیروی. د حصر وراثت او وکالت نامی غوښتونکی باید له ځان سره دوه بالغ نارینه کسان د شاهدانو په توګه راولی. ـ

په قونسلی دفتر کښی به له غوښتونکی او د هغه له اقرارکوونکو او شاهدانو سره به د قنسول لخوا مصاحبه سرته ورسیږی. معمولاً د دی مصاحبی په پای کښی وکالتنامه یا د حصر وراثت فورمه صادریږی. په ځینی مواردو کښی غوښتونکو څخه هیله کیږی ترڅو په بله ټاکلی ورځ بیرته سفارت ته راشی او خپله وکالتنامه یا د حصر وراثت فورمه لاسته راوړی. که مراجعین وغواړی، په هغه صورت کښی چی د دوی بیرته راتګ ته ضرورت نه وی، سفارت کولای شی د دوی وکالتنامه یا د حصر وراثت فورمه او نور اسناد د پوستی له لاری ورته ولیږی چی په هغه صورت کښی بیا باید د راجستری پوستی مصرف، د ټاکل شوی نورم سره سم، سفارت ته وسپاری. البته مراجعین کولای شی د راجستری پوستی د قیمت پرځای، یو راجسترشوی پوستی پاکټ چی خپل نوم و بشپړه پته یی پری لیکل شوی وی، سفارت ته وسپاری. ـ

د وکالتنامی او حصر وراثت لپاره لازم اسناد او ضروریات

د وکالتنامی غوښتونکی باید لاندی ا سناد او ضروریات وړاندی کړی: ـ

ـ1. د وکالتنامی فورمه چی دواړه ورقی یی باید په بشپړه توګه ډ کی او لاسلیک شی . ـ

ـ2. دوه بالغ افغان الاصل نارینه د شاهدانو په توګه. هر شاهد باید له ځانه سره دوی قطعی عکسونه او د خپل د هویت او اوسنی پتی د تثبیت لپاره لازم اسناد ر اوړی. ـ

ـ3 . وکیل – هغه شخص چی وکالتنامه یی په نوم صادریږی. چی چیری خپله وکیل حاضر نه وی، د هویت د تثبیت اسناد یی او هم د وکیل کیدو په هکله یی کتبی موافقه باید راوړله شی. ـ

ـ4 . که وکالتنامه د مځکی یا جایداد په اړه وی، د نوموړی مځکی یا جایداد اربعه حدود او نور تفصیلات باید وړاندی شی. ـ

د حصر وراثت غوښتونکی باید لاندینی اسناد او ضروریات وړاندی کړی: ـ

ـ1 . د حصر وراثت فورمه چی دواړه ورقی یی باید په بشپړه توګه ډکی او لاسلیک شی. ـ

ـ2. دوه بالغ افغان الاصل نارینه د شاهدانو په توګه. هر شاهد باید له ځانه سره دوی قطعی عکسونه او د خپل د هویت او اوسنی پتی د تثبیت لپاره لازم اسناد ر اوړی. ـ

ـ3 . د اړوند میراث په هکله لازم اسناد. ـ

له پورتنیو خاصو اسنادو څخه سربیره، د وکالتنامی او حصر وراثت ټول غوښتونکی باید همدارنګه لاندینی اسناد او ضروریات وړاندی کړی: ـ

ـ1. دوی قطعی عکسونه . عکسونه باید د پاسپورت په ستندرده اندازه، نوی او سره ورته وی، او له مخامخ څخه اخیستل شوی وی تر څو د شخص دواړه غوږونه ولیدل شی. ـ

ـ2. د خپل هویت د تثبیت لپاره یو معتبر سند په اصلی بڼه کښی . ـ

ـ3. په کانادا کښی د خپل اقامت حقوقی اسناد ، لکه د لندد سند، د دایمی اقامت کارت او د تابعیت سند ـ

ـ4. د خپلی اوسنی پتی د تثبیتولو لپاره موثق اسناد، لکه د موټر چلولو لایسنس، د برق بل، او داسی نور. ـ

ـ5. د وکالتنامی یا حصر وراثت محصول چی باید د ټاکل شوی نورم سره سم ورکړل شی . ـ

ـ6. هغه غوښتونکی چی غواړی وکالتنامه یا حصر وراثت او اسناد یی بیرته د پوستی له طریقه ورولیږل شی، د 20 کاناډایی ډالرو په ارزښت د راجستری پوستی قیمت ورکړی، او یا راجستری پوستی د قیمت پرځای یو راجستر شوی پوستی پاکټ د خپل نوم او پتی په لیکلو سره، ضمیمه کړی. ـ

نوت: دوکالتنامی او حصر وراثت غوښتونکی کولای شی چی خپل غوښتون لیکونه دپوستی له لاری راولیژی.ـ

[return to top]


د وکالتنامی او حصر وراثت محصول او پوستی مصارف

*All charges are in Canadian dollars

محصول

(د اداری او بانکی مصرف په شمول)

غوښتنه

ـ160 کاناډایی ډالره

وکالتنامی

ـ 160 کاناډایی ډالره

د حصر وراثت فورمه

ـ20 کاناډایی ډالره

د راجستری پوستی مصرف

(د راجستر شوی پوستی پاکټ پر ځای چی د غوښتونکی نوم او پته پری لیکلی وی)

د محصول د ورکولو لپاره لارښوونه

ـ1. د وکالتنامی او حصر وراثت محصول د نورو ټولو قنسولی مصارفو په څیر یوازی په کاناډایی ډالرو اخیستل کیږی. نور اسعار د منلو وړ ندی. ـ

ـ2. د وکالتنامی او حصر وراثت محصول د نورو ټولو قنسولی مصارفو په څیر د منی آرډر یا بانکی تصدیق شوی چک له لاری چی "په اوتاوا کښی د افغانستان د سفارت" په نوم جوړ شوی وی، اخیستل کیږی. نقدی پیسی، شخصی چکو د بانک له لاری د پیسو لیږدول د منلو وړ ندی. ـ

ـ3. که چیری د څو وکالتنامی او حصر وراثت غوښتنه کیږی د پوستی مصرف د ضمیمه کولو په صورت کښی، کولای شی یوازی یو منی آردر یا تصدیق شوی بانکی چک د مجموعی محصول په ارزښت جوړ کړی . ـ

ـ4. منی آردر یا تصدیق شوی بانکی چک باید له خپل غوښتنلیک سره یو ځای مونږ ته وسپاری .

[return to top]



د غوښتنی فورمی

[WAKALAANAMAFORM.PDF] د وکالتنامی فورمه : ـ

[INFORMATION.PDF] دوکالتنامی معلومات دویمه پانه ـ

[HASREWARAASATFORM.PDF] د حصر وراثت فورمه: ـ

[HASREWARAASATFORM.PDF] د حصر وراثت معلومات دویمه پانه ـ

[return to top]



که چیری پوښتنه لری او یا نور معلومات غواړی؟

د نورو معلوماتو لپاره، او یا که غواړی چی د خپلی غوښتنی په هکله د سفارت د قنسولی څانګی سره خبری وکړی، له مونږ سره اړیکه ټینګه کړی. ـ

د قنسولی څانګی د تیلفون شمیره: ـ

+ 1-613-563-4223
+ 1-613-563-4265
+ 1-613-680-0066

د قنسولی څانګی د ایمیل پته: ـ

consular@afghanemb-canada.net

د قنسولی څانګی پوستی پته: ـ

Embassy of Afghanistan, Ottawa (Consular Section)
240 Argyle Avenue
Ottawa, ON K2P 1B9

[return to top]



 
     
   
 
 
EMBASSY OF AFGHANISTAN IN OTTAWA
240 Argyle Ave. Ottawa, Ontario, K2P-1B9 | Phone: (613) 563-4223 / 65 | Fax: (613) 563-4962 | contact@afghanembassy.ca
 
   
    yanbrand